जेठ ११ बाजुरा–
जिल्लाको बह्रमतोला स्थित पशुपती उमाविमा कार्यरत शिक्षक एवं नेपाल राष्ट्रिय शिक्षक संगठनका केन्दीय सदस्य समेत रहेका तुला थापालाई चक्कु प्रहार गर्ने एक अभियुक्त पक्राउ परेका छन् ।

ज्यान मार्ने उद्योगमा फरार रहेका ब्रहमतोला गाविस ६ का वर्ष २० का  छत्र रौले प्रहरीको लामो खोसतलास पछि सुराकीका आधारमा कैलालीमा आइतबार पक्राउ परेका हुन ।

उभियुक्त रौलेलाई सोमबार हिरासत मा राखिएको छ भने आज सम्मानित जिल्ला अदातल बाजुरामा बुझाउने जिल्ला प्रहरी कार्यालय बाजुराले जानकारी दिएको छ ।  गएको वर्ष चैत्र ११ गते शिक्षक तुला थापा र स्थानीय विकास कोषका सामाजिक परिचालक चरणसिंह भण्डारी माथी घरमा खाना खाइरहेको बेला चक्कु प्रहार भएको थियो । घटनामा संलग्न भनिएका रामबहादुर रोकाया, हेम थापा, चक्र साउद र रमेशराज जोशीलाई प्रहरीले त्यतीखेर नै नियन्त्रणमा लिएका थिए ।